Forumstreffen in München

[Rudi-Reiter]

Nommoi a Sevus in d'Rundn

Ja, schee wars wieda amoi, a wemma 5 ganz vaschiedne
Leid sand, hob i mi sauguat gfuit unta aich, i sog einfach
measse füa den schena Nammedog!

Und a bsondas Dankschee naddürleh unsara Vetaranin,
dass uns zammdriem hod, miasma boid moi wieda macha!

Und Done, solangst ned aus lauta Grant a Sechzga wearst
is ois ned so wuid, de Roudn ham ja no a Finalspui!

Jessass, de war da Hundatste Beidrog, mia ham de
Düssldorfa eighoid!




An schena Gruaß
vom Rude

[Doscho]

supa gmacht ruuuuuudi,
des hod ma oiwe scho gstunga, dass de düssldorfa mehra eiträg ghabt hom wia mia....
aba da ruuudi hod an ausgleich gschossn, -
und i schiass jetzad unsa führung raus....
nacha howe doch no a erfolgserlebnis heid.

homs di jetz endle vonetzt zBedashausn Rudi,
oda bist nomoi ins cafe ganga und host a tass drunga

dManuela werd scho moi wieda wos zamtrommen, wenn de saubacherin mithuift - nacha werds scho wern mit am neia treffn...

[Dendrit]

Hallo Doni,

des hod ma oiwe scho gstunga, dass de düssldorfa mehra eiträg ghabt hom wia mia....

Hey - es geht doch net um de Menge der Postings.


dManuela werd scho moi wieda wos zamtrommen, wenn de saubacherin mithuift - nacha werds scho wern mit am neia treffn...

Geht aa, wenn de "saubacharin" (von dem obgseng, dass mia des east recht net song deafn - schließlich wohna mia do net - ) net mithoift. Host ja gseng. Und wia weas moi mit eigninitiative? Is eigntlich ganz leicht: hia reischreim, Termin findn bzw. wievoi se moidn, Wirtschaft oruafn und resavian. OK, wea net telefonian konn, isses wos andas. Füa mi is des aa no übawindung, drum woas i des.

LG, Manuela

[Doscho]

ohhhh liaba manu - mach ma hoid ned so fui streß... du host des soooo guad gmacht ghabt.
a jeda war supa zfrien mit deina awad.

jetz iss ja a no z fria.

wos de saubacha für regln hom manuela, des intresiat mi goned. aussadem glawe dass a jeda saubach sogt.... "schoamba" des is eha wos innerörtlichs - aba i red wia ma da schnowe gwachsn is.... lass i ma vo neamds nehma

freile is des wichtig wer mera einträg hod, i sig des scho ois an wettkampf o, ob jetz de düssldorfa mehra schreim oda de münchna.
vo dene preissn lassn mia uns ned untabuttan. des sig i ned ei...desweng gfreits mi oiwe, wennsd a boor zeilen schreibst manuela.

oiso nacha, - nix für ungut und grüße noch
schoampa, - genauso natürle an noname und an pedashausna bazi am "rudi-offlein"

[Susi_Sun]

Wenn zum nextn Dreffn eh wieda mia san - vielleicht woima eher wos bei uns voa da Dia macha? Miaßma je ned olle bis noch Minga eini. Außa es san zum nexdn Dreffn doch no a bor mehra vo da andan Seidn do...? Wos hoids davo?

Schena Omd

Susi_Sun

[Dendrit]

Hallo Susi_Sun,

wos moanstn mit "voa da Tüa"?

LG, Manuela

[Doscho]

uuuiiii genau susi_sun

des war a sach, mia dad do a wundascheens fleckal erdn eifoin. kennst du des pucher meer susi_sun? so hätt ma ois.... bissl wos zum spaziern geh, sonna-gastronomie, schatten,
innen oder aussen... und wenn ma a poor deckn dabei hom, kema uns sogor ind sonna leng, und ins wasser nei schaung...
aba es is ned leicht zum findn... i dadat dann de stodara vom maisacha bahnhof zum pucher meer hibringa...und an "offlein-rudi" ano ins schlepptau nehma... hihi, des dad eich gwis gfoin... aba do dad nacha nix unter 3 oda 4 stundn geh - des war geil


übrigens jetz stehts 106 : 100 für minga

[Dendrit]

[Doscho]

oh shit...

da nordlichter-thread kannt uns ano gfährle wern... de hom den thread erst im aprui aufgmacht und kema jetz scho auf 47 einträg,
auf de miass ma aufpassn, de woin uns wahscheinle übahoin -
de düssldorfa san aba ausbluat -
be dene laft nix mehr.


hoffandle kema uns vor de fischkepf behauptn

lg und scheens wochnend...

toni

[Clown]

>hoffandle kema uns vor de fischkepf behauptn


Deine Sorgen möchte ich haben ....
Aber sei beruhigt, morgen treffen Salvatore und ich uns im Tierpark, da sind wir unter unseresgleichen , und ich fürchte, dann ist erst mal wieder Ruhe. Wir bräuchten Verstärkung, und wenn's aus Bayern ist, in der Not frisst der Teufel Fliegen!

[Doscho]

hoppala,

a nordlicht liest mit...wia gehtn des...
da clown werd doch ned ois vosteh, wos mia do schreim, hmmmm do kannt i no an ärger griang mit "fischköpf" -

naja, clown, i kenns hoid no von früha, ois i no ins stadion ganga bin....
ihr hobts uns oiwe d Lederhosn auszong,
und wir hom eich ois fischkepf tituliert

[Susi_Sun]

@ Doni: Logisch woaß i, wo s'Pucher Meer is. Aba do sama hoid rechd weddaabhängig, moanst ned? Und i drau dem Wedda ned...

@ Manuela: Voa da Dia moan i em bei uns irgendwo. Wei de Meaheit (zumindest wia mas jetz wan) ebm so am Grenzgebiet FFB/DAH san. Weng da Noname hob i eha so an Oiching/Grömzoi oda a westlichs Dahau oda so, dacht. Mia zwoa wean uns gwieß zamfindn, dass i di mitnehma ko

Bloß moi so ois Idee - oaganisian mog i's ned, muaß ja schließlich dogsüba oabadn und omds mog i mei Rua

Seavus

Susi_Sun

[Zarra]

Hallo - oder besser: servus,

... obwohl die Schwaben auch zum Süden gehören (*), schreib' ich denn doch lieber hochdeutsch ... schad', aber sonst bräucht' ich wohl Stunden:

Also, Hut ab, durch Euern Thread habe ich immerhin gelernt, daß die Bayern nicht nur Bayrisch reden, sondern auch Bayrisch SCHREIBEN können - ich bin echt platt. ... und meine große Hochachtung.

Ich kann auch nicht behaupten, daß ich so schnell auf jeden Trichter komm' (oder kommen würd') - hat aber etwas Vergnügliches, bei Euch "einfach so" mal reinzuschauen.

und ein schönes weiteres Treffen!

Zarra


(*) Wir üben uns denn hier auch eher in Wortkargheit - beim Treffen sind's dann schon ein paar mehr Wörter!

[Dendrit]

@ Zarra:

moanst, ob dsia in dialekt schreim woids. De Schwom kennans doch aa, oda net? Dat sicha lustig sei, wei i ja an Mischmaschdialekt hob, wo aa schwäbisch dabei is. Std. braugscht net, is bloß Übungssach.

@ Susi_Sun:

Bloß moi so ois Idee

Doch, find i guad. Wenns so im Rahma sei soi, wias da Doni gschriem hot, muass ea des oaganesian. Denn in eia Gegnd kenn i mi net (nit?) aus:

LG, Dendrit

[Doscho]

@ zarra
zarra ge woida, koscht doch au a bissle mit schreiba - des isch unsch grod recht.

dad scho no a bissle a spässle braucha desch
bordle


@ all

is aba doch jetz no a bisl fria, mia hom uns doch erst gseng... aussadem kon i im moment ned klar denga...muaß jetz erst moi des fuassboisbui heid übasteh... danoch kon i volleicht wieda ans feian mit eich denga,
aba im moment denk i nur an oans:

FC Bayern - Stern des Südens...

[Dendrit]

Hallo Doni,

is aba doch jetz no a bisl fria, mia hom uns doch erst gseng... aussadem kon i im moment ned klar denga

Jaja, des san Ausredn. Wennst scho woasst, dass des z'friah is, dann brauchst net Dei momentane Vafassung voazschiam!

Vllt. bist Du dann scho nimma im Forum, weilstas net aushoitst mit uns - denn wia lang ists vorherige Treffn hea? A Johr? Miasst i suachn, hob aba koa Lust.

LG, Manuela

[Doscho]

looool manuela,

der war guad. z letzte treffn is a woch her...
12.05.
und heid is da 19.05. do muaß i ned fui denga

oiso nacha....frog i ind rundn

dad eich folgndes gfoin:

es gibt einen echt wunderschön eingerahmten badesee, mit viel grün drumherum.

vor allem aber ist hier ausreichend gastronomie vorhanden. wir können definitiv in der Sonne oder im Schatten sitzen... uns zu beliebigen Zeiten ein Steckerleis holen, Eiscafe trinken - oder auch ganz normal essen. sollte es regnen, so sitzen wir halt innen. Fakt ist: kein Straßenlärm - Möglichkeiten gemeinsam um den see spazieren, oder in der wiese liegen, oder eben auf normalen gartenstühlen unterm Schirm sitzen.... keine Zeitliche Begrenzung usw..... wenn jemand schwimmen möchte soll er es machen.

Ort wäre dann das sogenannte Pucher Meer. Liegt zwischen FFB und Puch, -

http://www.qype.com/place/8038-Pucher-M ... nfeldbruck


lg

saklzement jetz bin i glei hochdeitsch worn

[Dendrit]

Hallo Doni,

i moan des Treffn vorm 12.05.


Hallo Herr Dr. Niedermeier,

würden Sie auch auf's Land kommen oder ziehen Sie ein Treffen lieber in München vor? Net dass Sie jetzt meinen, in München läuft gar nix mehr.


Bis späda

Manuela

[no name]

@ all,

ja, wemma a mit Öffentliche guat hi kommt, dann komm i gern ans Pucher Meer.

Aba jetzad ruaft's Fuasboi !

LG no name

[Susi_Sun]

@ Doni: Und wemma bedenkt, dass de Planung füas vagangene Dreffn zwoa Monad dauad hod...

@ noname: Mid de Öffentlichn weads am Wochnend tatsächlich happig. Hob bloß oan Bus gfundn, dea vom FFB-Bahnhof ans Pucher Meer foat - und des is auf 20 Ua... Aba wennst koa Broblem host, mid andan im Audo zfoan, kemma di aa vom FFB-Bahnhof abhoin!

@ Manuela: ned is boarisch, nid is duanarisch

Seavus

Susi_Sun

[Dendrit]

@ Susi_Sun: woit bloß wissn, ob da des auffoit.

[Doscho]

@susi duanarisch???????
kenn i ned......

sorry...i bin im robben-hassfieber...krieg wohl nix verfünftiges hin heute.... ich ko eich blos song - ich hasse robben.... trägt immer verantwortung - und will nicht verschwinden, der looser......... ich hasse robben.....


aber des tuad jetz wenig zua sach.... vom maisacha bahnhof is ma in 5 min. am pucher meer...... und mit eich bin ich 1000x liaba beinaanda wia mit dem vogammeten holländischn fuassballa namens robben, der ois foisch macht und imma voantwortung übanimmt und moant - er is da gröste - tatsächlich is a der größte depp vo minga

[Dendrit]

Hallo Doni,

@susi duanarisch???????
kenn i ned......

Macht nix. Konnst ja net ois wissn. Gibt hoit Ortschaftn mit am bsondarem "Eigndialekt". So in Duaning (Thaining), gheat aa noch Obb. Do kanntast manxmoi moana, do red a eigfärbta Schwiza mit dia.

Seavus und alln a sonnign Sonndog

Manuela

[Doscho]

@ no name

vom maisacher bahnhof sans genau 2 km bis zum pucher meer. an bus brauchst ned, wei i di mitnimm...

duanarisch... hmmm... wieda wos glernt.

bin gspannt, ob se da offlein-rudi a moi wieda rührt....

@ manu

i glab, daß de Frau Blum und Dr. Niedermaier nimma mitlesen Manu, do homs jetz oafach moi mut zur lücke.... bevor sa se unsa gschreibsl neiziang

[Clown]

>i bin im robben-hassfieber...krieg wohl nix verfünftiges hin heute....

http://www.youtube.com/watch?NR=1&featu ... B6F_BlGhPs

an alle!

Clown